Defektet në rrjetin e kanalizimit në disa fshatra të Ferizajt nuk sanohen prej disa vjetësh

Defektet në rrjetin e kanalizimit në disa fshatra të Ferizajt nuk sanohen prej disa vjetësh

Agim Ademi Agim Ademi 14 November 2019 10:30

Disa fshatra të Komunës së Ferizajt prej disa vjetësh po vazhdojnë të përballen me defekte në rrjetin e kanalizimit si pasojë e cilësisë së dobët të punimeve.

Probleme të shumta kanë banorët e fshatrave Dubravë, Zllatar, Dardan, Mirosalë dhe Sojevë, shkruan sot “Koha Ditore”.

Për riparimin e defekteve banorët kanë kërkuar edhe zyrtarisht në Drejtorinë e Shërbimeve Publike dhe atë të Infrastrukturës, mirëpo deri tashti nuk janë shqyrtuar kërkesat dhe ankesat e tyre.

Xhevat Sallahu, përfaqësues i fshatit Zllatar, njëherësh këshilltar në KK të Ferizajt nga radhët e VV-së, ka deklaruar se disa herë ka kërkuar edhe nëpërmjet Kuvendit të investohet më shumë për riparimin e rrjetit të kanalizimit në disa fshatra, mirëpo kërkesat e opozitës nuk janë shqyrtuar asnjëherë.

Sipas tij, aktualisht me gjendje më të rëndë po përballen banorët e Dubravës derisa ujërat e zeza ua kanë vërshuar oborret dhe shtëpitë e banimit.

(Artikullin e plotë mund ta lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme