Hapja e qendrës së tuberkulozit peng i mungesës së stafit mjekësor

Hapja e qendrës së tuberkulozit peng i mungesës së stafit mjekësor

Ilir Osmanaj 14 December 2019 09:12

Ka dështuar paralajmërimi i muajit prill i drejtorit të Spitalit të Përgjithshëm të Pejës, Skënder Dreshaj, për hapjen e Repartit të mushkërive.

“Duam ta bëjmë repartin e mushkërive ‘Nëna Terezë’ qendër kryesore për trajtimin e tuberkulozit në nivel vendi, në të cilin do të sillen për trajtim pacientët nga Klinika e Pulmologjisë në QKUK dhe nga spitalet e tjera në Kosovë. Ne e kemi dhënë mbështetjen tonë, pasi Peja e ka traditën për trajtimin e kësaj sëmundjeje infektive, por që duhet bërë disa investime në këtë spital, përfshirë edhe angazhimin e stafit shtesë. Besoj që kjo mund të ndodhë sivjet”, pati thënë Dreshaj.

Megjithatë, ky repart nuk është hapur, teksa autoritetet përgjegjëse arsyetohen me mungesën e stafit mjekësor, shkruan sot Koha Ditore.

Kjo ide ka buruar nga Ministria e Shëndetësisë, Qendra Klinike Universitare dhe Instituti i Shëndetit Publik për lirimin e kapaciteteve të Klinikës Pulmologjike, meqë në atë klinikë konsiderohet se nuk ka hapësirë të përshtatshme për këta pacientë, dhe kjo reformë ishte bërë që kati i dytë i objektit të Repartit të mushkërive në Pejë të bëhej qendër referente në nivel vendi për tuberkuloz.

Kjo ide për ta shndërruar Repartin e mushkërive në qendër referente për sëmundjen e tuberkulozit për krejt vendin, aktualisht është ende larg jetësimit, megjithëse në katin e dytë të objektit të mushkërive nga Shërbimi Spitalor dhe Klinik Universitar i Kosovës (SHSKUK) janë bërë disa investime për përshtatjen e ambientit për qendrën e tuberkulozit. (Artikullin e plotë mund ta lexoni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme