Charlize Theron ka pasur tri operacione për ta rregulluar gishtin

Charlize Theron ka pasur tri operacione për ta rregulluar gishtin

17 October 2019 18:16

Charlize Theron ka folur për lëndimin e saj të dhimbshëm të dorës, duke zbuluar se i është dashur t’u nënshtrohej tri operacioneve për ta rregulluar gishtin e madh.

Aktorja e kishte vendosur një mbajtëse në dorën e saj të majtë ndërsa po i promovonte filmat e rinj “Bombshell” dhe “The Addams Family”, duke u thënë gazetarëve se e ka pësuar lëndimin gjatë një skene luftimi në një film aksion, shkruan KOHA Ditore.

Por në episodin e së martës (15 tetor) të “The Ellen DeGeneres Show”, fituesja e “Oscarit” hyri në detaje, duke zbuluar se ajo e kishte shqyer ligamentin e kockës së gishtit të madh.

"Po e xhiroja një film në Londër ... Po përleshesha me një njeri shumë të madh dhe ai e kishte një jelek antiplumb, dhe gishti i madh ngeci në jelekun e tij dhe ai vendosi ta bënte një lëvizje të shpejtë dhe i gjithë gishti im u kthye prapa.

"Rashë në gjunjë dhe qava si një vajzë e vogël".

Ndërkohë, Theron zbuloi gjithashtu se ajo dhe kolegia e saj nga filmi “Bombshell”, Margot Robbie, kanë mbresa identike në qafë.

"Tek të dyja është bërë ngjitje me fuzion në qafë", shtoi ajo. "I njëjti mjek, i njëjti disk".

Image

© KOHA

Komentet

Shto koment

Të ngjashme