Clive Owen do ta luajë Bill Clintonin në “American Crime Story”

Clive Owen do ta luajë Bill Clintonin në “American Crime Story”

19 November 2019 10:29

Aktori britanik Clive Owen e ka fituar rolin e ish presidentit të SHBA-së, Bill Clinton, për sezonin e tretë të American Crime Story.

“Impeachment: American Crime Story” do të gërmojë në skandalin që e njollosi mandatin e presidentit të 42-të, pas aferës së tij me praktikanten Monica Lewinsky, e cila çoi në marrjen e tij në pyetje dhe hetimin në vitin 1998, shkruan KOHA Ditore.

Ylli i “Booksmart”, Beanie Feldstein, kohët e fundit është përzgjedhur si Lewinsky, ndërsa Sarah Paulson do ta luajë shoqen e saj të ngushtë, punonjësen e Shtëpisë së Bardhë, Linda Tripp, ndërsa tani ylli i “Children of Men”, Owen i është bashkuar formacionit si ish-Guvernatori i Arkansasit, raporton Deadline.

Ende nuk dihet asgjë për angazhimin e ndonjë aktoreje për bashkëshorten e tij dhe politikanen Hillary Clinton.

Seria, e cila do të bëhet me ko-produksion të Lewinskyt, është planifikuar të debutojë një muaj para zgjedhjeve të vitit 2020.

© KOHA. Të gjitha të drejtat janë të rezervuara.

Komentet

Shto koment

Të ngjashme