“Nusja nga Stambolli” dhe përplasjet që s’ndalen

“Nusja nga Stambolli” dhe përplasjet që s’ndalen

08 December 2019 17:02

Seria televizive “Nusja nga Stambolli” vazhdon me dramat jetësore të secilit personazh. Situatat dramatike do të vazhdojnë edhe gjatë kësaj jave.

Esma, grua e fortë, me karakter stoik, me jetë plot sfida, do ta vazhdojë jetën me gjithë sfidat e sëmundjes e familjes. Garipi, gjithmonë do të jetë aty me këshillat dhe fjalët e ëmbla për të. Do të sigurohet që gjithmonë t’i bëjë befasi të llojllojshme, të cilat do ta bëjnë Esmanë të ndihet mirë dhe ta harrojë sëmundjen e hallet familjare, sidomos problemet e fundit me Fikretin.

Ademi do të vazhdojë jetën, një befasi e bukur për Gyneshen do ta ndryshojë situatën dhe forcojë lidhjen mes tyre. Ademi do t’i afrohet përsëri Fikretit, si një vëlla i vërtetë. Kjo javë kryesisht ka në qendër Ademin dhe ngjarjet rreth tij. Ndarja nga Dilara, ardhja e bebes, takimi me Farukun të gjitha këto së bashku me këshillat e psikologes Idil do ta shënojnë serialin e javës.

Fikret dhe Ipek janë para divorcit. Krizë e madhe në lidhjen e tyre për shkak të keqkuptimit lidhur me Okanin. Do të shohim deri ku do të shkojë vendosmëria e Ipekes që të vazhdojë punën. Çka do të ndodhë mes tyre, si do ta zgjidhin gjithë këtë mosmarrëveshje, mbetet të shohim. Një fytyrë e re do ta freskojë gjithë javën. Anastasia, një vajzë e re ruse, e cila është psikologe edhe pedagoge për fëmijë.

Ajo do të jetë stafi shtesë në konakun e Boranëve, që do të përkujdeset për fëmijët, por njëherësh edhe për Esman. Syreja, Faruk, Nurgyl e Mustafa do të kenë shumë sfida gjatë kësaj jave. Shumë befasi, dramë dhe të papritura gjatë tërë javës ju presin në episodet e radhës. Shumë dramë, muzikë origjinale, momente dashurie e pikëllimi do ta përbëjnë edhe këtë javë serinë “Nusja nga Stambolli”.

Kështu do të vazhdojë maratona e peripecive të familjes Boran në ekranin televiziv ekskluzivisht vetëm në KTV, në terminin e zakonshëm e hënë - e premte, duke filluar nga ora 21:30. “Nusja nga Stambolli” është një nga seritë më të shikuara televizive në Ballkan dhe njëherësh edhe është nominuar për çmimin “Emmy” si seria më e mirë në gjuhë të huaj.

© KOHA. Të gjitha të drejtat janë të rezervuara.

Komentet

Shto koment

Të ngjashme